Дубайдағы авиашоуда үндістандық жойғыш ұшақ апатқа ұшырады
Фото: thenorthlines.com
Бірақ, ірі авиациялық көрмелер мен шоуларда мұндай қайғылы жайттың болуы сирек құбылыс саналады, деп хабарлайды Qazaq Today ақпарат порталы.
Осылайша, Дубайда өтіп жатқан авиашоуда Үндістанның HAL Tejas жойғыш ұшағы көрсетілімдік ұшу барысында апатқа түсті. Жерге құлаған ұшақтың маңында бірнеше секунд өтер-өтпестен қап-қара түтін көкке көтерілген.
Associated Press хабарлауынша, оқиға халықаралық авиашоу аясында болған. Ұшақ құлағаннан соң әуежай төбесінде биік қара түтін байқалған. Қазіргі уақытта ұшқыштың шығып үлгерген-үлгермегені белгісіз.
Дубай – әлемдегі ең ірі авиациялық көрмелер мен шоуларды тұрақты өткізетін қала. Мұндай ауқымды іс-шараларда апатты жағдайлардың болуы – өте сирек құбылыс.
