Банк шотыңыздағы әр теңге енді үкіметтің бақылауында
Фото: Pixabay
Азаматтардың банк шоттары мен ақша қозғалысы енді бірнеше мемлекеттік органның бақылауына өтеді, деп хабарлайды Qazaq Today ақпарат порталы.
Бұл шешім қоғамда банктік құпияның бұзылу қаупі туралы сұрақ туғызды. Қаржы министрлігі мұндай шара валюталық бақылауды күшейту мақсатында енгізіліп жатқанын айтты. Ведомство мәліметінше, банктер мен Мемлекеттік кірістер комитеті арасындағы ақпарат алмасу жүйесі жетілдірілген.
«Ақша елден кетіп, тауар келмейтін жағдайлар жиі кездеседі. Сондықтан біз банктермен және кеденмен ақпаратты салыстырып тексереміз. Бұл – қалыпты тәжірибе, банктік құпия бұзылмайды», – деді министрлік өкілі.
Министрлік деректердің қорғалатынын және азаматтардың жеке ақпараты сыртқа шықпайтынын мәлімдеді.
