Алматы облысында Қарулы Күштердің тікұшағы радардан жоғалып кетті

Фото: Pixabay

2025 жылғы 25 шілдеде Алматы облысында жоспарлы ұшу кезінде Қазақстан Республикасы Қарулы Күштері Әуе қорғанысы күштеріне тиесілі EC-145 тікұшағы радардан жоғалып кетті. Бұл туралы ҚР Қорғаныс министрлігі хабарлады,деп  хабарлайды Qazaq Today ақпараттық агенттігі.

Алдын ала мәлімет бойынша, тікұшақта үш экипаж мүшесі болған. Олардың тағдыры әзірге белгісіз. Қазіргі уақытта Қорғаныс министрлігі мен Төтенше жағдайлар департаментінің күштері мен техникалары жұмылдырылып, іздестіру-құтқару жұмыстары жүргізілуде.

ҚР Қорғаныс министрінің тапсырмасымен оқиғаның мән-жайын анықтау үшін арнайы комиссия құрылып, оқиға орнына жол тартты. Ресми мәліметтер оқиғаны тексеру және іздестіру нәтижелеріне қарай кезең-кезеңімен ұсынылатын болады.