Мемлекет басшысы 31 тамызда Қытайға барады
20-дан астам елдің басшылары мен 10 халықаралық ұйымның басшылары Тяньцзинь қаласында Шанхай ынтымақтастық ұйымының (ШЫҰ) саммитіне және оған байланысты іс-шараларға қатысады, деп жазады Qazaq Today ақпарат порталы.
Бұл туралы сейсенбі күні ҚХР Сыртқы істер министрі Ван И мәлімдеді.
Ван И Тяньцзиньде ШЫҰ Бас хатшысы Нұрлан Ермекбаевпен бірлескен баспасөз конференциясында жариялағандай, Тяньцзинь ШЫҰ саммиті 31 тамыздан 1 қыркүйекке дейін өтеді.
«Бұл іс-шараларға Қазақстан Президенті Қасым-Жомарт Тоқаев қатысады», – деп хабарлады Қытайдың Сыртқы істер министрлігі.
