«Мынау қатын болмайды»: Желіде мәһрге 1 келі алтын сұраған блогер талқыға түсті (ВИДЕО)

Желіде мәһрге 1000 грамм алтын сұраған қалыңдықтың талабы қызу талқыға түсті.

Қалыңдық күйеуінің бұл суммадағы алтынды алып бере алатынына сенімді болып отыр.

«Алып бере алады. Ақша тауып жатыр ғой, қолынан келеді. Алып бере алатынына мен сенемін», —  деді ол.

Ал 1000 грамм алтынның бағасы қазіргі құны бойынша шамамен 40-45 миллион. Күйеу жігіт те қыздың талабын мақұлдап, алып беретініне уәдесін берді.

Желі қолданушыларының бірі бұл — әр қыздың құқығы десе, енді бірі шектен шыққан талап деп бағалап жатыр.

«Қыздың құны алтынмен өлшенбейді, бірақ сұрағаны шектен тыс емес пе?», «Мәһр – әйелдің құқығы. Келісіп жатса, неге болмасқа?», «Беті құран көрмеген, әкесінде жоқ дүниені сұйрайды», «Бауырым жар таңдаудан қателесіпсің, аман бол», «Жалмаңдап қалған қатын екен», «Сезімің алтынмен қлшенеді ма», «Берекесіз қатын болады мынау»,  — деп жазуда оқырмандар.

Айта кетейік, мәһр – шариғат бойынша күйеу жігіттің қалыңдығына некелесу кезінде сыйлайтын дүниесі. Ол – тек әйелдің меншігі.