Сабина Алтынбекова әлемдегі ең бай волейболшылар қатарына кірді
БАӘ-нің жаңа чемпионы, 26 жастағы қазақстандық спортшы Сабина Алтынбекова әлемдегі ең бай волейболшылар тізіміне енді, деп хабарлайды Qazaq.today Azattyq Ruhy –на сілтеме жасап.
Ақпарат көзінің мәліметінше, Сабинаның байлығы 4,7 миллион долларға (қазіргі бағам бойынша 2,1 миллиард теңге) бағаланған. Әлемдегі ең бай волейболшылар тізімінде Алтынбекова 11-ші орында. Тізім жасау барысында клубтардан түскен қаражат, демеушілік табыстар мен жылжымайтын мүлікке салынған инвестиция ескерілгені айтылған. Әлемдегі ең бай 10 волейболшылардың тізімі төмендегідей:
- Саманта Брисио (Мексика) – 4,7 миллион доллар
- Бренда Кастильо (Доминикан Республикасы) – 6 миллион доллар
- Фабиана Клаудино (Бразилия) – 6,9 миллион доллар
- Ким Ен-Кун (Оңтүстік Корея) – 7 миллион доллар
- Юлия Герасимова (Украина) – 7 миллион доллар
- Паола Эгону (Италия) – 7,3 миллион доллар
- Таиса Паллези (Бразилия) – 7,7 миллион доллар
- Габриэла Гимараес (Бразилия) – 8,8 миллион доллар
- Жаклин Карвальо (Бразилия) – 9,1 миллион доллар
- Шейла Кастро (Бразилия) – 12 миллион доллар.
Qazaq.today
