Түркия төрт күндік жұмыс аптасына көшеді
Фото: © shutterstock
Түркия 4 күндік жұмыс аптасына көшеді. Енді, 3 күн демалуға мүмкіндік бар. Мамандар жаңа жүйе наурыз-сәуір айларында басталатынын айтты. Ол үшін жұмыс берушімен келісе отырып, күніне он сағат жұмыс істеу кестесіне көшеді. Осылайша аптасына 40 сағат жұмыс істейді, деп хабарлайды Qazaq Today ақпарат порталы Qazaqstan.tv арнасына сілтеме жасап.
Бұл жеңілдікті ең алдымен кішкентай балалары бар әйелдер, университетте оқып жүріп жұмыс істейтін жастар және мүгедектегі бар адамдар пайдалана алады.
Жаңа жүйенің ерекшелігі бір жұмыста аптасына 4 күн істейтін адам мен 5 күн істейтін адамның жалақылары бірдей болады.
Мамандар бұл жүйе адамдардың жұмысқа ынтасын арттырып, отбасымен көбірек уақыт өткізуге мүмкіндік береді, дейді.
