Ұлыбританияда 88 жастағы екі зейнеткер спортзалда танысып, бір-біріне ғашық болды

Фото: ExtraCare Charitable Trust /SWNS

Ұлыбританияда 88 жастағы Барбара Томпсон мен Фред Дженкинс жұбайларынан айырылған соң жаңа махаббат тапты. Олар спортзалда танысып, көп ұзамай бір-біріне көңіл білдіре бастаған.

Бұл туралы Qazaqtoday.info сайты хабарлайды.

Алғашында Барбара спортзалға құрбысымен бірге барған. Бірақ құрбысы жаттығуды тоқтатқан соң, ол сабаққа жалғыз қатысуды жалғастырған. Сол кезде Фред оған жаттықтырушы болған.

«Бір-біріміздің жанымызда болғанды ұнататынбыз. Көп күліп, әзілдесетінбіз», – дейді Барбара.

Қазір жұп күн сайын дерлік бірге уақыт өткізеді. Аптасына үш рет фитнес-залға барып, домино мен дартс ойнайды, би билеп, бақша күтеді. Жақында олар алғаш рет бірге демалысқа да барған.

Фредтің айтуынша, 2023 жылы жұбайынан айырылғаннан кейін қайтадан біреуді кездестіремін деп ойламаған. Ал Барбара олардың оқиғасы бақытты болуға ешқашан кеш емес екенін дәлелдейтінін айтады.

«Кейде үмітіңді үзу оңай ғой. Бірақ біз кенеттен жаңа өмірге қол жеткіздік», – дейді ол.

Ерлі-зайыпты болуды жоспарлап отырған жоқ. Олар бөлек тұрады және бірге өткізген уақыттан ләззат ала отырып, әрқайсысы өз үйреншікті өмір салтын сақтағысы келеді.

Еске салайық, бұған дейін Қазақстанда егде жаста тұрмыс құру туралы оқиғалар әлеуметтік желіде қызу талқыланған. Мәселен, 2026 жылдың мамырында 69 жастағы қазақстандық әжейдің ұзату тойы көпшіліктің назарын аударды. Ол сүйіктісімен шаңырақ көтеруді елу жыл бойы армандағанын айтқан. Тойда жас жұбайларды лимузинмен алып кетіп, ерекше салтанат ұйымдастырылған. Кадрлар желі қолданушыларын тәнті етіп, көпшілік әжейге бақыт тілеген.