Ақмола облысында өрт салдарынан екі бала қаза тапты
Оқиға Бұланды ауданындағы Шұбарғаш ауылында болды, деп жазады Qazaq Today ақпарат порталы.
2017 және 2021 жылы туған екі бала жану өнімдерінен уланып қайтыс болды.
«ТЖД телефондарына қоңыраулар түскен жоқ. Өртті оқиға куәгерлері сөндірді», — делінген хабарламада.
Өрттің шығу себептерін облыстық өрт сөндіру бөлімінің ғылыми-зерттеу сынақ зертханасының қызметкерлері анықтап жатыр. Бұланды ауданының төтенше жағдайлар бөлімі сотқа дейінгі тергеуді бастады.
