Ресейдің бірнеше қаласында қазақ мектебі ашылуы мүмкін
Фото: Кабар
Ресей Федерациясының бірнеше қаласында қазақ мектебін ашу мәселесі екіжақты талқыланып жатыр. Бұл туралы Оқу-ағарту министрі Ғани Бейсембаев мәлім етті, деп хабарлайды Qazaq Today ақпарат порталы.
«Иә, бұл мәселе талқыланып жатыр, үш аймақ қарастырылып отыр Астрахан, Орынбор және Омбы немесе Томбы нақты есімде жоқ. Қазақ диаспорасы шоғырланған аймақтарда қазақ мектебін ашу мүмкіндігі қаралып жатыр. Жұмысты ресейлік әріптестерімізбен бірлесіп жүргіземіз», — деді Ғани Бейсембаев Мәжіліс отырысы барысында БАҚ өкілдерінің сауалына жауап бере тұрып.
Осылайша, министр Ресейде қазақ мектебін ашу ұсынысы қолдап тапқанын растады.
«Бұған дейін Ресейдің еліміздің оңтүстігінде мектеп салу жоспары туралы айтылған еді. Бұл да талқыланып жатыр, желтоқсанда нақты шешім қабылданады», — деп толықтырды ведомство басшысы.
