Жәмила Бақбергенова әлем чемпионатының үш дүркін күміс жүлдегері атанды
Отандасымыз Жәмила Бақбергенова Албания астанасы Тиранада өтіп жатқан күрестен әлем чемпионатында күміс жүлдеге ие болды, деп хабарлайды Qazaq.today ақпарат порталы.
Бұл — 28 жастағы бозкілем шеберінің ересектер арасындағы әлем чемпионатындағы төртінші медалі. Жәмила — 2021 жылы Ослода, 2022 жылы Белградта күміс жүлдегер атанған. Ал былтыр Сербия астанасында үздік үштікті түйіндеген.
Айта кетейік, Бақбергенова кеше Тирана төрінде молдовалық, содан соң чех және моңғолиялық қарсыласпен күш сынасып, жеңіске жеткен.
Фото: ҰОК
