Айыппұлы 1,3 млн теңге: Алматыда жүргізуші полицейлердің көзінше өзін өртеді

Алматыда көлігі айыппұл тұрағына қойылған жүргізуші өзін өртеп жіберді. Суицид жасамақ болған жігітті полиция аман алып қалды, деп хабарлайды  Polisia.kz.

Оқиға 1 қазан күні Алматы қаласы Түрксіб ауданындағы айыппұл тұрағы аумағында тіркелді. 33 жастағы жігіт алдымен көлігін, кейін өзін өртеп жіберген. Көлігінен де, денсаулығынан да айырылған жігіттің 1 млн 300 мың теңге айыппұлы болғаны анықталды.

«Сағат 13:10-да мамандандырылған патрульдік полиция батальонының экипажы Subaru көлігін тоқтатты. Көлік иесінің 1,300 млн теңге көлемінде төленбеген айыппұлы болған. Тексеру кезінде жүргізушінің міндетті сақтандыру полисі болмаған. Белгіленген ережелерге сәйкес, көлік құралы мамандандырылған айыппұл тұрағына қойылуы тиіс, жүргізуші біраз уақыттан кейін осында қайтып келген. Жүргізуші көліктің ішінде отырып, көлік құралына сосын өзіне бензин шашып, жағып жіберді. Полиция қызметкерлері ер адамды құтқару үшін жедел шаралар қабылдады. Өрт сөндіргішпен және қолда бар құралдармен өртті сөндірді. Жүргізуші шұғыл түрде ауруханаға жеткізілді. Көлікті сөндіруге полиция қызметкерлері мен оқиғаның куәгерлері қатысты», – деді Алматы қалалық ПД жергілікті полиция қызметі басқармасының бастығы Серік Шумаев.

https://www.youtube.com/watch?v=BbnKZBSEikg