Алматыда көпқабатты үйдің автотұрағында екі жеңіл көлік жанып кетті, деп хабарлайды Qazaq Today ақпарат порталы.
Аталған жағдайға Алматы қаласының Төтенше жағдайлар департаменті түсініктеме берді. Оқиға түнгі уақытта болған.
03.09.24, 00:59-да өрт сөндірушілер Е.Брусиловский көшесіндегі 18 қабатты үйдің паркингінде 10 шаршы метр аумақты қамтыған 2 автокөліктің отқа оранғанын анықтап, өртті өшірді. Зардап шеккен адамдар туралы ақпарат түспеді, — деп хабарлады қалалық ТЖД баспасөз қызметі.
