Шығыс Қазақстан облысындағы шахтада тағы бір жұмысшы мерт болды

1 қыркүйекке қараған түні Шығыс Қазақстан облысындағы «Артемьевская» шахтасында мердігер ұйымның кеншісі қаза тапты.

KAZ Minerals тобының дерегінше, ол бағананың құлауы салдарынан оқиға орнында көз жұмды. Оқиғаның мән-жайы мен себептері анықталып, арнайы тергеу комиссиялары құрылды.

Айта кетейік, 2024 жылғы 31 тамызда сағат 17:30 шамасында Ертіс кенішінде тіршілік белгілерінсіз төрт адам табылды — екі шахта жұмысшысы және екі мердігер қызметкер. Алдын ала себеп – газбен улану.

31 тамызда Шығыс Қазақстан облысының полиция департаменті төрт жұмысшының өліміне қатысты ҚР Қылмыстық кодексінің 277-бабының 3-бөлігі «Тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу» бойынша қылмыстық іс қозғады.

Еске салайық, бұған дейін Шығыс Қазақстан төтенше жағдайлар департаменті өңірдегі «Востокцветмет» ЖШС шахтасында төрт адам қаза тапқаны туралы хабарлағанын жаздық. Кенішке иелік ететін KAZ Minerals компаниясы «Востокцветмет» ЖШС кенішіндегі жұмысшылардың өлімінің мән-жайы мен себептері анықталып жатқанын хабарлады