Қостанайда өзенге ағып кеткен баланың мәйіті 5 күн дегенде әрең табылды
Қостанай облысының Козыревка кентінде баланы іздестіру жұмыстары аяқталды. ТЖД құтқарушылары Тобыл өзенінің су аймағында 8 жасар баланың мәйітін тауып, судан алып шықты, деп хабарлайды Qazaq Today ақпарат агенттігі.
Қостанай облысы ТЖД мәліметінше, 18 тамызда Б. Майлин ауданы Козыревка кентінде Тобыл өзені арқылы топырақ үйіндісінен өту кезінде абайсызда ер адам мен 8 жасар бала суға құлаған.
Ер адам өз күшімен судан шығып үлгерсе, баланы өзен ағысы алып кеткен.
Су астында 63 мың шаршы метр, жерде 80 шақырым жер тексерілген.
Фото: pexels
