Алматыда 10 жасар баланы лифтіде ұрған ер адам ұсталды
Әлеуметтік желіде белгісіз ер адамның кішкентай балаларға лифт ішінде күш көрсеткен бейнежазбасы тарады, деп хабарлайды Qazaq Today ақпарат порталы.
Бейнероликте оқиға 23 шілде күні сағат 16:36-те болғаны жазылған. Аталған жағдайға Алматы қаласының Полиция департаменті түсініктеме берді.
– Бұл дерек бойынша тергеу амалдары жүргізілуде. Ер адам анықталып, полицияға жеткізілді. Оның әрекетіне құқықтық баға берілетін болады. Басқа да мән-жайлары анықталуда, — деп хабарлайды департаменттен.
Еске салайық, бұған дейін Алматыда тұрғын үйдің кіреберісінде туысқанын өлтірген әйел ұсталған еді.
Фото: Pixabay
