Алматы өзендерінде су деңгейі көтерілуі мүмкін екені хабарланды. Бұл туралы Qazaq.today басылымы Алматы қалалық төтенше жағдайлар департаменті дерегіне сүйене отырып хабарлайды.
12 сәуірде қатты жауын жауып, таулы аймақтарда су деңгейінің көтерілуі ықтималдылығы жоғары.
Қауіпті белгілерден асқан жағдайда Алматы қаласының аумағына іргелес тау бөктері мен аудандарда, су тасқыны болуы ықтимал, — делінген хабарламада.
Осыған байланысты төтеншеліктер тұрғындарды арықтарды қоқыстан тазартуға шақырды.
Бұған дейін Алматы тауларында қар көшкіні жүру қаупі сақталатыны туралы жазған едік.
