Солтүстік Қазақстан облысында түркістандық құтқарушы қайтыс болды
[ad_1]
Солтүстік Қазақстан облысында су тасқынына қарсы күресуге жіберілген 46 жастағы түркістандық құтқарушы көз жұмды, деп хабарлады облыстық ТЖД қоғаммен байланыс тобы.
Азаматтық қорғау прапорщигі Бекжан Балданов Тайынша қаласына 1 сәуірде Түркістан облысынан жіберілген. Осы күні кешке ол ауырып, Тайынша аудандық ауруханасына жеткізілген. Сол жерден оны санитарлық авиация бортымен Петропавлдағы ауруханаға жеткізу жоспарланған. Алайда 2 сәуірге қараған түні 1978 жылы туған Бекжан Балданов жансақтау бөлімінде көз жұмды. Дәрігерлер оның өліміне миокард инфаркты себеп болғанын айтты.
Ол Түркістан облысы ТЖД Сайрам ауданының №6 өрт сөндіру бөлімін басқарған.
ТЖМ, ТЖД және Солтүстік Қазақстан облысының әкімдігі құтқарушының мезгілсіз қайтыс болуына байланысты оның туыстары мен жақындарына, әріптестеріне қайғырып, көңіл айтады.
