Бишімбаев ісі: алқабиге кандидаттарды іріктеу үшін жабық сот отырысы өтеді
Фото: inbusiness.kz
Бұл туралы Жоғарғы сот мәлім етті, деп жазады Qazaq Today ақпарат агенттігі.
«Ағымдағы жылдың 27 наурызында Астана қаласының қылмыстық істер жөніндегі мамандандырылған ауданаралық сотында Қ.Бишімбаевтың ісі бойынша алқабиге кандидаттарды іріктеу үшін жабық сот отырысы өтеді», — деп жазды Жоғарғы соттан.
Отырыста 12 адамнан тұратын (10 негізгі, 2 қосалқы) алқабилер алқасы қалыптастырылады.
Іріктеу алқабилердің жеке басын жария ету мүмкіндігін болдырмау үшін жабық сот отырысында өтеді.
