Сақылдаған сары аяз Саран тұрғындарын да жылусыз қалдырды
Қарағанды облысы Саран қаласының тұрғындары үйлерде жылудың жоқтығына шағымдануда. Бір-бірімен апат салдарының кадрларымен бөлісіп, бейнежазбалар әлеуметтік желілерде желдей есті. Жергілікті тұрғындар жарияланған кадрларда жаңа қайнатылған шайдың бір минут ішінде салқындап қалғанын аңғаруға болады.
Саран әкімдігінің ТКШ бөлімінде алдыңғы кеште 86 қазандықтың ағып кеткені туралы хабарланды. Салдарынан қазандықтағы температура төмендеген.
«Қазандықтағы ақау 04.45-те жойылды. Қазіргі уақытта қазандық штаттық режимде жұмыс істейді. 3 қазандық қалыпты жұмыс істеп тұр. Штаттық қызметкерлер жұмылдырылған. Сондай-ақ, 149 және 86 қазандықта әкімдіктің бекітілген қызметкерлері бар», — деп хабарлады ТКШ бөлімі.
Тұрғындар үйлерде әлі де жылу жоқ екеніне шағымданып отыр. Олар “берілмеген жылуға не үшін ақша төлеуіміз керек?” деген пікір айтуда.
Бұған дейін елімізде соңғы тәулікте 4 апат орын алғанын жазған едік.
Дереккөз: ulysmedia.kz
