Астана маңында бір апта бұрын тұтанған өрт өшірілді
Астана маңындағы қамыс пен құрғақ шөп өрті сөндірілді, деп хабарлайды Qazaq.today Ulysmedia.kz. сілтеме жасап.
“Елордалық өрт сөндірушілердің күшімен Талдыкөл көлінің ауданында 80 га алаңдағы сортаңды жерде қамыс пен құрғақ шөптің жануы бүгін сағат 11.22-де жойылды”, – деп мәлім етті ТЖМ.
Еске салайық, Қорғалжын тасжолы мен Қосшы қаласына айналма жол арасындағы өрт 19 маусым күні таңертең тұтанған болатын.
20 маусымда оның аумағы 80 гектарға жеткені хабарланды.
Qazaq.today
