Қазақстан Әуе қорғаныс күштері екінші Airbus A400M Atlas ұшағын алды
Қазақстан Әуе қорғаныс күштері Испаниядан екінші Airbus A400M Atlas әскери-көліктік ұшағын алды. Ұшақ техника тасымалдау, эвакуация және гуманитарлық көмек жеткізу мүмкіндіктерін кеңейтеді.
Фото: Министерство обороны РК
Испаниядан Қазақстан Қарулы күштерінің Әуе қорғаныс күштері үшін екінші ауыр әскери-көліктік Airbus A400M Atlas ұшағы келді. Бұл әскери авиацияның техника тасымалдау, халықты эвакуациялау және гуманитарлық көмек жеткізу мүмкіндіктерін кеңейтеді.
Бұл туралы Qazaqtoday.info сайты хабарлайды.
Қорғаныс міндеттерінен бөлек, A400M ұшақтары төтенше жағдайлардың салдарларын жою кезінде де пайдаланылуы мүмкін. Тағы бір бағыт — қазақстандық әскери қызметшілердің халықаралық бейбітшілік миссияларына қатысуын қамтамасыз ету. Осындай сыныптағы авиация ұлттық бейбітшілік контингентін дербес тасымалдауға мүмкіндік береді.
Ұшақтарды пайдалануға қазақстандық экипаждар мен инженерлік-техникалық персонал дайындалды. Олар Испанияның Севилья қаласындағы Airbus оқу орталығында теориялық және практикалық оқытудан өтіп, ұшақтарды басқару, пайдалану және техникалық қызмет көрсету дағдыларын меңгерді.
Airbus A400M ауыр техниканы үлкен қашықтыққа тасымалдауға және қысқа топырақ жолақтарға қонуға қабілетті.
Ұшақ он елдің қару-жарағында тұр: Қазақстан, Түркия, Германия, Малайзия, Индонезия, Франция, Ұлыбритания, Испания, Бельгия және Люксембург.
