«Кек алушылар: Доктор Дум» премьерасы Қазақстанда 2027 жылға шегерілді

Сурет: Ашық дереккөздерден

Қазақстандық кинотеатрларда «Кек алушылар: Доктор Дум» (Avengers: Doomsday) фильмі 2027 жылдың 7 қаңтарынан бастап көрсетіле бастайды. Әлемдік премьера 2026 жылдың 18 желтоқсанына жоспарланған.

Бұл туралы Qazaqtoday.info сайты хабарлайды.

Премьераның ауыстырылғаны туралы фильмнің Қазақстандағы ресми дистрибьюторы — «Ascar Cinema» компаниясы мәлімдеді. Осылайша, отандық көрермендер блокбастерді әлемнің өзге елдерінен үш аптаға жуық кешігіп тамашалайды.

Жобаның кешігуі бұл фильмге әсер етпеді. Қазақстанда картина 17 желтоқсанда, яғни америкалық премьерадан бір күн бұрын прокатқа шығады. Бастапқыда екі блокбастер де әлемдік прокатта бір күнде басталуы тиіс еді.

Релиздің кешігуі Орталық Азия мен Кавказдың өзге де елдерінде күтілуде. Marvel прокатын кейінге қалдырудың нақты себептері әлі хабарланған жоқ.

«Ascar Cinema» компаниясы Қазақстан мен ТМД елдерінде Голливуд премьераларын локализациялаумен, сондай-ақ қазақ және орыс тілдеріне дубляждаумен айналысады. Дистрибьютор бұған дейін «Ойжұмбақ 2», «Моана 2», «Муфаса: Арстан патша» және жақында шыққан «Өрмекші-адам: Жаңа күн» сияқты жобаларды ұсынған болатын.

Бұл жаңалық әлеуметтік желілерде қазақстандықтардың үлкен наразылығын тудырды. Көрермендерді күту уақыты емес, киноға барғанға дейін сюжетті спойлерлер арқылы біліп қою қаупі көбірек мазалайды.

Желі қолданушыларының бірі үш апта ішінде фильмнің барлық желісін әлеуметтік желілерден көріп қою қаупі жоғары екенін жазды.

Кейбір көрермендер мұндай кешігу фильмнің кассалық жинағына кері әсер етеді деп есептейді. Олардың пікірінше, TikTok пен өзге желілердегі нарезкалардан кейін халықтың фильмге деген қызығушылығы төмендеп кетеді.

Айта кету керек, Қазақстанда голливудтық премьералардың кешігуі соңғы жарты жыл бойы жиі тіркеліп келеді. Ірі фильмдер жергілікті кинотеатрларға әлемдік прокаттан кейінірек жол тартуда.