Арайлым Шегенова Азия ойындарының жартылай финалына шықты
Арайлым Шегенова Аичи-Нагоядағы Азия ойындарының 87 келіден жоғары салмақтағы ширек финалында Пак Чонвонды 3:0 есебімен жеңіп, жартылай финалға шықты. Болат Біләл де 66 келіде ширек финалға өтті.
Сурет: ҰОК
Жапонияның Аичи-Нагоя қаласында өтіп жатқан Азия ойындарында қазақстандық балуан Арайлым Шегенова жартылай финалға жолдама алды.
Бұл туралы Qazaqtoday.info сайты хабарлайды.
87 келіден жоғары салмақ дәрежесіндегі ширек финалда ол оңтүстіккореялық Пак Чонвонды 3:0 есебімен ұтты.
Сонымен қатар ерлер арасында 66 келіге дейінгі салмақта Болат Біләл Қытайлық Тайбэй өкілі Чан Хао-чэнмен белдесіп, қарсыласын 10:0 есебімен жеңді. Осылайша ол да ширек финалға өтті.
