«Бір айдан асты»: Тараз тұрғыны краннан аққан лай суға шағымданды
Фото: видеодан скрин
Таразда Достоевский көшесі, 21В үйінің тұрғыны бір айдан астам уақыттан бері ыстық судың сапасына шағымданып жүргенін айтты, деп хабарлайды Qazaqtoday.info ақпарат порталы.
Оның сөзінше, краннан лай аралас су ағып, оны ыдыс жууға да, жуынуға да пайдалану қиын. Тұрғын жаз бойы ыстық сусыз отырғанын, енді су берілгенімен, сапасы көңіл көншітпейтінін жеткізді. Айта кетейік, Достоевский көшесіндегі жылу желілерінде биыл жаңғырту жұмыстары жүргізілген, негізгі монтаж жұмыстары аяқталғаны бұған дейін хабарланған. Алайда видеодағы судың нақты неден бұлай аққаны әзірге белгісіз. Тұрғын жауапты мекемелерден мәселені тексеріп, ыстық судың сапасына қатысты шара қабылдауды сұрап отыр.
Видео: @taraz_v_obektive
