«Көлікпен жүру мүмкін емес»: Өскемен шетіндегі жолдың сиқы жұртты ашындырды
Фото: видеодан скрин
Өскеменнің шетіндегі Красин кентіне апаратын жолдың жағдайына тұрғындар шағымданды. Жүргізушінің сөзінше, жолдың ой-шұңқыры көбейіп, кей тұсында асфальт мүлде жоқ.
Соның салдарынан бұл бағытпен көлікпен жүру қиындаған. Желі қолданушысы жауапты мекемелерден аталған учаскеге назар аударып, жолды қалыпқа келтіруді талап етті. Айта кетейік, биыл Өскемендегі бірқатар жолды жөндеу жоспарланғанымен, қаладағы жол сапасына қатысты шағымдар бұған дейін де айтылған. Әзірге Красин кентіне апаратын осы жолдың қашан жөнделетіні туралы ресми ақпарат жарияланған жоқ.
Видео: @1720.yk
