Семейде әйелдің аяғы эскалаторға қысылып қалды
Семейдегі сауда орталығында 1990 жылы туған әйелдің аяғы эскалаторға қысылып қалды. Құтқарушылар гидравликалық құралмен аяғын босатты, әйел жедел жәрдемге тапсырылды.
Фото: видеодан скриншот
Семей қаласындағы сауда орталығының бірінде келуші әйелдің аяғы эскалаторға қысылып қалған. Бұл жайында Stan.kz ақпарат агенттігі мәлім етті.
Бұл туралы Qazaqtoday.info сайты хабарлайды.
Төтенше жағдайлар министрлігінің дерегінше, 112 пультіне Семейдегі сауда орталықтарының бірінде әйел адамның аяғы эскалаторға қысылып қалғаны туралы хабарлама түскен.
«Оқиға орнына келген жедел-құтқару жасағының қызметкерлері қажетті авариялық-құтқару жұмыстарын жүргізді. Құтқарушылар гидравликалық құралдың көмегімен 1990 жылы туған әйелдің аяғын босатты», – делінген хабарламада.
Аяғын шығарған соң әйел қажетті медициналық көмек көрсету үшін жедел медициналық жәрдем қызметкерлеріне тапсырылған.
