Астанада туристік полиция қызметкерлері әдеп нормаларын бұзғаны үшін жұмыстан шығарылды
Астана полиция департаменті туристік полиция қызметкерлерінің әдеп нормаларын бұзғанын растап, екі қызметкер жұмыстан шығарылды.
Сурет: Видеодан скриншот
Астана қаласы Полиция департаменті туристік полиция қызметкерлерінің қызметтік әдеп нормаларын бұзуына қатысты түсініктеме берді.
Бұл туралы Qazaqtoday.info сайты хабарлайды.
Ведомствоның мәліметінше, елордадағы туристік полиция қызметкерлері қызметтік міндеттерін атқару барысында әдеп нормаларын және полиция қызметкерлерінің мінез-құлқына қойылатын талаптарды бұзған.
«Қызметтік міндеттерін атқару кезінде және формалық киімде мұндай әрекетке жол беру орынсыз. Полиция қызметкері кез келген жағдайда кәсіби арақашықтықты сақтап, белгіленген мінез-құлық мәдениетін ұстануға міндетті», – делінген ведомство хабарламасында.
Қызметтік тексеру қорытындысы бойынша екі қызметкер де ішкі істер органдарынан жұмыстан шығарылған.
