Қазақстан мен Қытай жүргізуші куәліктерін өзара тануға келісті
Қазақстан мен Қытай жүргізуші куәліктерін өзара тану туралы келісім жасады. Бұл екі ел азаматтарының сапарларын жеңілдетеді. Сондай-ақ «Қорғас» шекара маңы аймағындағы қауіпсіздік шаралары пысықталды.
Пекинде өткен кездесуде ҚР Ішкі істер министрі Ержан Сәденов Қытай Қоғамдық қауіпсіздік министрі Ван Сяохунмен екіжақты келіссөз жүргізді. Кездесу қорытындысы бойынша тараптар ұлттық жүргізуші куәліктерін өзара тану және айырбастау туралы уағдаластыққа қол жеткізді. Бұл шара екі ел азаматтарының сапарларын айтарлықтай жеңілдетеді.
Бұл туралы Qazaqtoday.info сайты хабарлайды.
Сонымен қатар, «Қорғас» халықаралық шекаралық ынтымақтастық орталығы аумағында қауіпсіздік пен құқықтық тәртіпті қамтамасыз ету жөніндегі келісімге қол қойылды. Құжат қауіп-қатерлерге жедел ден қою және құқық бұзушылықтардың алдын алу үшін өзара іс-қимыл тетіктерін белгілейді.
