Көшпенділер әлем ойындары Бішкек Аренада салтанатты түрде ашылды
Бішкектегі «Бішкек Арена» стадионында Көшпенділер әлем ойындары салтанатты түрде ашылды. Қазақстан құрамасы да шеруге қатысып, Қасым-Жомарт Тоқаев спортшыларды құттықтады.
Фото: Акорда
Орталық Азиядағы ең ірі стадион — 51 мың адамды сыйдыратын «Бішкек Аренада» Көшпенділер әлем ойындарының салтанатты ашылу рәсімі өтті. Бұл туралы Qazaqtoday.info сайты хабарлайды.
Шара барысында қатысушы елдердің шеруі өтіп, онда Қазақстан құрамасы да көрсетілді. Спортшыларды трибунадан Қасым-Жомарт Тоқаев құттықтады.
Концерттік бағдарламада бірнеше қырғызстандық әртістер мен әйгілі америкалық әнші Николь Шерзингер өнер көрсетті.
Көшпенділер әлем ойындары 6 тамызға дейін жалғасады. Бәсекелердің басым бөлігі Кырчын шатқалы мен Ыстықкөл облысындағы Чолпон-Ата курорттық қаласының ипподромында өтеді.
