Чемпиондар лигасы-2026/27: «Сабах» «Барселона» және «Арсенал» клубтарымен кездеседі
УЕФА Чемпиондар лигасы-2026/27 негізгі кезеңінің жеребесі тартылды. «Сабах» «Барселона», «Арсенал», «Манчестер Юнайтед» және басқа клубтармен кездеседі.
Сурет: turkystan.kz
2026/27 жылғы УЕФА Чемпиондар лигасының негізгі кезеңіне жеребе тартылды. Іс-шара УЕФА штаб-пәтерінде өтті, деп хабарлайды Qazaqtoday.info сайты.
Қазақстандық қақпашы Стас Покатилов өнер көрсететін Әзербайжанның «Сабах» клубы турнирдегі алғашқы маусымында Испанияның «Барселона» және «Вильярреал», Англияның «Арсенал» мен «Манчестер Юнайтед», Германияның Дортмунд «Боруссиясы», Италияның «Наполи», Чехияның «Славия» және Норвегияның «Викинг» клубтарымен ойнайды.
«Сабах» «Барселона», «Боруссия», «Наполи» және «Славияны» Бакуде қабылдайды. Қалған қарсыластарымен сырт алаңда кездеседі.
Чемпиондар лигасының жалпы кезеңіне 29 команда тікелей жолдама алған. Тағы жеті қатысушы іріктеу кезеңінің қорытындысы бойынша анықталды.
