Батыс Қазақстанда рейстік автобус өртеніп, 37 жолаушы эвакуацияланды
8 тамызда Батыс Қазақстан облысында рейстік автобус өртеніп, 37 жолаушы эвакуацияланды. Зардап шеккендер жоқ, өрт себебі анықталуда.
Сурет: ult.kz
8 тамыз кешінде Батыс Қазақстан облысының Теректі ауданында Орал — Қаратөбе бағытында қатынайтын рейстік автобус қозғалыс кезінде өртеніп, оқиға орнында 37 жолаушы болған. Барлық жолаушы автобустан өздігінен шығып үлгерген, қаза тапқандар мен зардап шеккендер жоқ, деп хабарлайды Qazaqtoday.info сайты.
Оқиға Самара — Шымкент тасжолында, Шалқар көліне бұрылатын маңда тіркелген. Өртті сөндіруге Батыс Қазақстан облысы төтенше жағдайлар департаментінің 8 қызметкері мен 2 арнайы техникасы жұмылдырылып, тілсіз жау толықтай жойылған. Өрттің нақты себебі әзірге хабарланбаған.
