Жүк көліктерінің жүргізушілері Ақтөбе-Орск шекарасында үш күн кезекте тұрғанын айтты
Ақтөбе-Орск бағытындағы «Алимбет» өткізу пунктінде жүк көліктері үш күннен бері кезекте тұр. Жүргізушілер жағдайға наразылық білдіруде.
Сурет: tengrinews.kz
Жүк көліктерінің жүргізушілері «Диапазон» газетіне үш күннен бері Ақтөбеден Орскіге шығу үшін шекарада кезекте тұрғандарын хабарлады, деп хабарлайды Qazaqtoday.info сайты.
Кезекте негізінен фуралар тұр, бірақ жеңіл көліктер де кезекте. «Алимбет» өткізу пунктінде бір жүк және екі жеңіл көлікті өткізіп жатыр. Жүк көліктерінің кезегі төрт шақырымға созылған. Бір жүргізуші бес сағатта небәрі 600 метр жүріп өткенін, әлі 200 метр қалғанын айтып, бұл тәртіпсіздіктің қашан тоқтайтынын сұрады.
Былтырғы қыркүйекте Қазақстан-Ресей шекарасындағы «Алимбет» автомобиль өткізу пунктінде қайта құру жұмыстары басталған еді. Жобаның құны 16,6755 миллиард теңгені құрайды. Мұнда жолақтар саны мен тексеру жылдамдығы артуы тиіс. Жұмыстар биылғы жылдың соңына дейін аяқталуы керек. Алайда өткізу жылдамдығы көрші тарапқа да байланысты екені атап өтілген.
