Полиция полковнигі заңсыз көші-қонды ұйымдастыру ісі бойынша тергелуде
Полиция полковнигі заңсыз көші-қон ісі бойынша тергелуде. Ұйымдасқан қылмыстық топ әртүрлі ведомстволар өкілдерінен тұруы мүмкін. ІІМ және ҰҚК ішкі қауіпсіздік департаменттері тергеу жүргізуде.
Сурет: kaztag.kz
Полиция полковнигі заңсыз көші-қонды ұйымдастыру ісі бойынша тергелуде. Бұл жекелеген жағдай емес, тергеу нұсқасы бойынша әртүрлі ведомстволар өкілдері кіретін ұйымдасқан қылмыстық топтың қызметіне қатысты, деп хабарлайды Qazaqtoday.info сайты.
Дереккөздің мәліметінше, болжалды қылмыстық топтың мүшелері басқа мемлекеттердің азаматтарына заңсыз тұруға ықтиярхат рәсімдеуі мүмкін.
Тергеуді Ішкі істер министрлігінің және Ұлттық қауіпсіздік комитетінің ішкі қауіпсіздік департаменттері жүргізіп жатыр.
ҚазТАГ редакциясы Ішкі істер министрлігі мен Ұлттық қауіпсіздік комитетіне сұрау салды.
