Өзбекстанда енесі келінін пышақтап өлтірді – 10 жыл бас бостандығынан айырылды
Өзбекстанда отбасылық жанжал келіннің өлімімен аяқталды. Енесі келінін бірнеше рет пышақтап, сот оны 10 жылға бас бостандығынан айырды.
Сурет: kznews.kz
Өзбекстандағы отбасылық жанжал әйелдің өліміне әкеп соқты. Енесі келінін бірнеше мәрте пышақтап, нәтижесінде әйел оқиға орнында қаза тапты, деп хабарлайды Qazaqtoday.info сайты.
Сот құжаттары бойынша, жанжалдың себебі — келіннің отбасы мәселелерін өз анасына айтып жүруі болған. Ене бұған ашуланып, екеуінің арасында дау туған. Айыпталушы келініне бірнеше рет пышақ салып, жарақаттаған. Жәбірленуші алған жарақаттардан сол жерде көз жұмды.
Сот айыпталушыны кісі өлтіруде кінәлі деп танып, оны 10 жылға бас бостандығынан айырды.
