Өзбекстанда үйлену тойынан кейін жас жұбайлар қайтыс болды
Өзбекстанның Ташкент облысында үйлену тойынан кейін жас жұбайлар қайтыс болды. Алдын ала мәлімет бойынша, олар белгісіз заттан уланған. Тергеу жалғасуда.
Сурет: dalanews.kz
Ташкент облысында үйлену тойынан кейін жас жұбайлардың қайтыс болғаны туралы ақпарат әлеуметтік желілерде тарады, деп хабарлайды Qazaqtoday.info сайты.
Желідегі мәліметтерге сәйкес, Пскент ауданындағы жас жұбайлар газдан уланып көз жұмған.
Өзбекстан Бас прокуратурасының баспасөз қызметі 15 желтоқсанда Пскент ауданындағы «Бирлик» махалласында бірге тұрған 1995 жылы туған ер адам мен 1997 жылы туған әйелдің қайтыс болғанын хабарлады.
Тергеуге дейінгі тексеру аясында сот-медициналық сараптама тағайындалды. Алдын ала қорытынды бойынша, олардың өліміне белгісіз заттан улану себеп болған.
Қазіргі уақытта Пскент аудандық прокуратурасы тергеуге дейінгі тексеруді жалғастырып жатыр.
