Құтқарушылар имидждік рилс түсіріп әлек: СҚО турғындары өртті трактормен және шүберекпен өздері өшіруге мәжбүр

Фото: видеодан скрин

Солтүстік Қазақстан облысы Уәлиханов ауданына қарасты Қайрат ауылында аптап ыстықтан кейін дала өрті тұтанды.

Өрт сөндіру техникасының орнына жергілікті халық жалынды ауылдағы ескі трактормен жыртып, қолда бар шүберектермен өз күштерімен өшіруге мәжбүр болды. Атырапты шарпыған тілсіз жаумен азаматтардың жалғыз өзі арпалысқан сәті түсірілген видео желіде тарап жатыр. Сондай-ақ тұрғындар инфрақұрылымның нашарлығы мен ойлы-шұңқыр жолдар төтенше жағдай қызметінің жетуін апатты түрде қиындатқанын айтады. Осы уақытта СҚО ДЧС ресми парақшасында бұл апат туралы ешқандай ресми ақпарат берген жоқ. Арнайы техникасын мақтап видео жариялайтын мекеме дағдарыс сәтінде тек имидждік роликтер мен әзіл-оспақ рилстер салумен шектелді.

Видео: @halyqstan.kz