Криштиану Роналдудың көз жасы: Португалия әлем чемпионатынан шығып қалды

Фото: Ryan Pierse/FIFA via Getty Images

41 жастағы Криштиану Роналду әлем чемпионатындағы соңғы ойынынан кейін көз жасын тыя алмады. Португалия 1/8 финалда Испаниядан 0:1 есебімен ұтылып, турнирден шығып қалды, деп хабарлайды Qazaqtoday.info сайты.

Роналду бұған дейін 2026 жылғы әлем чемпионаты оның мансабындағы соңғысы болатынын айтқан еді. Алайда ол ұлттық құрамадағы өнерін аяқтайтынын растамаған.

Қазіргі турнирде шабуылшы үш гол соқты: топтық кезеңде Өзбекстанға екі және 1/16 финалда Хорватияға бір гол. Ол алты түрлі әлем чемпионатында гол соққан тарихтағы алғашқы футболшы атанды.

Роналду әлем чемпионатын ешқашан ұтпаған. Португалия құрамасымен ол Еуро-2016-да жеңіске жетіп, УЕФА Ұлттар Лигасын екі рет иеленген.