Батыс Қазақстанда екі полицей қызмет барысында қаза тапты
Батыс Қазақстан облысында екі полиция қызметкері қызметтік міндетін атқару кезінде қаза тапты. Ішкі істер министрі Ержан Сәденов көңіл айтты.
Сурет: dalanews.kz
Батыс Қазақстан облысында екі полиция қызметкері қызметтік міндетін атқару кезінде қаза тапты. Бұл туралы Ішкі істер министрі Ержан Сәденов мәлімдеді, деп хабарлайды Qazaqtoday.info сайты.
Министр Instagram парақшасында марқұмдардың туған-туыстары мен жақындарына көңіл айтты. «Қызметтік міндеттерін атқару кезінде қаза тапқан Батыс Қазақстан облысы полиция департаменті Тасқала аудандық полиция бөлімінің қызметкерлері – полиция майоры Абзал Үмбетқалиев пен полиция аға сержанты Нұрғали Әдиетовтің туған-туыстары мен жақындарына көңіл айтамын», – деп жазды Ержан Сәденов.
Сондай-ақ ІІМ басшысы ведомство қаза тапқан қызметкерлердің отбасыларына жан-жақты қолдау көрсететінін атап өтті.
