Аргентина Кабо-Вердені қосымша уақытта жеңіп, ӘЧ-2026 1/8 финалына шықты
Аргентина құрамасы ӘЧ-2026 1/16 финалында Кабо-Вердені қосымша уақытта 3:2 есебімен жеңіп, 1/8 финалға шықты. Лионель Месси гол соқты.
Фото: Selección Argentina de fútbol
Футболдан әлем чемпионатының 1/16 финалында Аргентина құрамасы Кабо-Верде командасын қосымша уақытта 3:2 есебімен жеңді, деп хабарлайды Qazaqtoday.info сайты.
Майамиде өткен матчтың негізгі уақыты 1:1 есебімен аяқталды. Аргентина сапынан Лионель Месси, ал Кабо-Верде сапынан Дерой Дуарте гол соқты.
Қосымша жарты сағатта оңтүстікамерикалық команда Лисандро Мартинестің голымен есепті өз пайдасына шешкенімен, Кабо-Верде Сидни Лопеш Кабралдың дәл соққысынан кейін есепті теңестірді.
Аргентинаға жеңісті Диней Боржештің автоголы әкелді. Қазіргі әлем чемпиондары 1/8 финалда Египет құрамасымен кездеседі.
