Құрылтай депутаттығына үміткерлер мен жұбайлары активтерін декларациялауы тиіс
Құрылтай депутаттығына үміткерлер мен олардың жұбайлары активтері мен міндеттемелерін декларациялауы тиіс. Шетелдік шоттағы сома 4,2 млн теңгеден асса көрсетіледі.
Құрылтай құрамына кіру үшін депутаттыққа үміткерлер сайлауға тіркелу кезінде активтері мен міндеттемелері туралы декларация тапсыруы қажет. Бұл талап кандидаттардың жұбайларына да қолданылады, деп хабарлайды Qazaqtoday.info сайты.
Үміткерлер мен олардың жұбайлары өздеріне тиесілі мүлікті, оның ішінде Қазақстандағы және шетелдегі жылжымайтын мүлікті, банктегі қаражатты (шетелдік шоттағы сома 4,2 млн теңгеден асса міндетті түрде көрсетіледі), бағалы қағаздарды, криптовалютаны және өзге активтерді, сондай-ақ қарыздары мен берешек міндеттемелерін жариялауы тиіс.
Егер жалпы сома 1000 АЕК-тен, яғни 4,2 миллион теңгеден асса, ол міндетті түрде декларацияда көрсетілуі керек.
