Фото: gov.kz
Астанадағы LRT айналасында жаңа дау шықты. Белгілі адвокат Бауыржан Азанов жеңіл рельсті көлікке қасақана кедергі келтіргендерге қатаң жаза қарастырылғанын мәлімдеді, деп хабарлайды Qazaqtoday.info сайты.
Заңгердің сөзінше, LRT вагонының есігін сындыру, тежегішті себепсіз басу немесе қозғалысты әдейі тоқтату «жай әзіл» емес. Мұндай әрекеттер қылмыстық жауапкершілікке әкелуі мүмкін.
Оның айтуынша, Қылмыстық кодекстің 350-бабына сәйкес кінәлілерге 3000 АЕК көлемінде айыппұл салынуы ықтимал. Бұл — шамамен 13 миллион теңге. Сонымен қатар 4 жылға дейін бас бостандығынан айыру жазасы да қарастырылған.
Ал егер мұндай әрекет ауыр салдарға немесе адам өліміне әкелсе, жаза 10 жылға дейін ұлғаюы мүмкін.
