Заңгерлерді соққыға жыққан Тұрлыхановтың ұлы бостандыққа шықты

Мәжіліс депутаты Дәулет Тұрлыхановтың ұлы Нұрасыл Болат бостандыққа шықты. Бұл ақпаратты Қылмыстық-атқару жүйесі комитеті растады, деп хабарлайды Qazaqtoday ақпарат агенттігі.

Ведомствоның хабарлауынша, ол сот тағайындаған жаза мерзімін толық өтеуіне байланысты босатылған.

Нұрасыл Болаттың аты 2023 жылдың ақпанында Алматыдағы шулы істен кейін көпшілікке танылған еді. Ол кезде депутаттың ұлы заңгер ерлі-зайыпты Черновтарды соққыға жыққан болатын.

Іс барысында сот бірнеше рет үкімді өзгертті. Алғашында Нұрасыл Болатқа 500 АЕК (шамамен 1,7 млн теңге) көлемінде айыппұл салынған. Алайда, кейін Жоғарғы сот істі қайта қарап, жазаны екі жылға бас бостандығын шектеуге ауыстырды. Сол кезде жәбірленушілерге төленетін моральдық өтемақы мөлшері де әрқайсысына 1 миллион теңгеге дейін көбейтілген.

Кейіннен Алматы соты үкімді тағы қатайтып, бас бостандығын шектеуді нақты мерзімге алмастырды. Нәтижесінде Нұрасыл Болат 1 жыл 5 ай 10 күнге бас бостандығынан айырылған еді.

Фото: Әлеуметтік желіден