Наурыздың соңында Қазақстанда 32 градусқа дейін ыстық болады
Синоптиктердің мәліметінше, республиканың басым бөлігінде жауын-шашынсыз, жылы көктемгі ауа райы сақталады. Бұл туралы QazaqToday.info ақпараттық порталы хабарлайды.
Тек батыс өңірлерде және оңтүстік облыстардың таулы аймақтарында атмосфералық фронттардың өтуіне байланысты найзағайлы жаңбыр жауады, батыста кей уақыттарда нөсер жаңбыр күтіледі. Сондай-ақ желдің жылдамдығы 15-20 м/с дейін күшейеді. Түнгі және таңғы сағаттарда республика бойынша тұман түсуі мүмкін.
Күндіз ауа температурасы:
- солтүстік-батыста +17…+26°С,
- солтүстікте +13…+20°С,
- орталықта +12…+23°С,
- шығыста +5…+22°С,
- оңтүстік және оңтүстік-шығыста +23…+32°С,
- батыста +20…+25°С-тан +13…+20°С-қа дейін төмендейді.
