Қазақстан халқының нақты саны белгілі болды
Фото: Pixabay
1 ақпандағы жағдай бойынша еліміздегі халық саны 20 518 005 адамға жетті. Бұл туралы Ұлттық статистика бюросы мәлім етті.
Қалалық жерлерде 13 106 358 адам, ауылдық жерлерде 7 411 647 адам тұрады.
Ұлттық статистика бюросының дерегінше, жыл басынан бері халық саны 18,1 мың адамға өскен. Оның 15,8 мыңы табиғи өсім, 2,3 мыңы – көші-қонның оң сальдосы есебінен.
Естеріңізге сала кетейік, халық саны 20 миллионға 2023 жылдың қарашасында жеткен.
Бұған дейін былтыр Қазақстандағы халық саны 195 480 адамға өскенін жазған едік.
