Тоқаев Кувейт Әміріне жеделхат жолдады: екі ел қатынасы жайлы не айтты?
Президент Қасым-Жомарт Тоқаев Кувейт Әмірін Ұлттық күнімен құттықтап, екі ел арасындағы достық қатынастардың болашағына сенім білдірді.
Мемлекет басшысы Қасым-Жомарт Тоқаев Кувейт Әмірі шейх Мишааль әл-Ахмад әл-Джабер ас-Сабахты және ел халқын ұлттық мерекесімен құттықтады, деп хабарлайды Qazaqtoday ақпарат агенттігі.
Президент Ақорданың ресми арнасы арқылы жолдаған жеделхатында екі ел арасындағы қалыптасқан достық қарым-қатынас пен өзара қолдаудың маңызына тоқталды.
Қасым-Жомарт Тоқаев екіжақты байланыстардың Қазақстан мен Кувейт халықтарының игілігі жолында алдағы уақытта да қарқынды дамып, нығая беретініне зор сенім артатынын жеткізді.
Сонымен қатар Президент шейх Мишааль әл-Ахмад әл-Джабер ас-Сабахтың жауапты қызметіне толағай табыс, ал Кувейт халқына бақ-береке тіледі.
Фото: Әлеуметтік желіден
