Тоқаев референдумға қатысты Әбдіровке қатаң тапсырма берді
Президент Тоқаев Орталық референдум комиссиясының төрағасы Нұрлан Әбдіровті қабылдап, референдумның ашық әрі заңды өтуін қатаң тапсырды.
Мемлекет басшысы Қасым-Жомарт Тоқаев Орталық референдум комиссиясының төрағасы Нұрлан Әбдіровті қабылдап, алдағы республикалық референдумға дайындық барысын талқылады, деп хабарлайды Qazaqtoday ақпарат агенттігі.
Кездесуде Нұрлан Әбдіров Президентке референдумды ұйымдастыру және өткізу жөніндегі жұмыстардың қалай жүріп жатқанын егжей-тегжейлі баяндады. Ол комиссияның дайындық шараларын бекітілген кестеге сәйкес жүргізіп жатқанын жеткізді.
Өз кезегінде Қасым-Жомарт Тоқаев жалпыхалықтық дауыс беруді өткізуде ең басты үш қағидатты қатаң сақтау керегін ескертті. Президенттің айтуынша, референдум барысында ашықтық, заңдылық және барлық азаматқа тең мүмкіндіктер толық қамтамасыз етілуі тиіс.
Фото: Әлеуметтік желіден
