Америкалық Mars компаниясы Қазақстанға 180 млн доллар инвестиция салады

Президент Қасым-Жомарт Тоқаев Mars компаниясының бас атқарушы директоры Пол Вайраухты қабылдады. Кездесуде Қазақстанның Ауыл шаруашылығы министрлігі мен америкалық компания арасында шамамен 180 миллион долларға инвестициялық келісімге қол қойылғаны белгілі болды, деп хабарлайды Qazaqtoday ақпарат агенттігі.

Мемлекет басшысы бұл оқиғаны стратегиялық маңызы зор серіктестіктің бастамасы деп атап, қазақ-америка ынтымақтастығының жоғары деңгейін көрсететінін атап өтті.

Жаңа жоба аясында Mars компаниясы Алатау қаласында үй жануарларына арналған азық-түлік шығаратын зауыт салады. Бұл өндіріс орны агроөнеркәсіптік шикізатты терең өңдеп, қосылған құны жоғары өнім шығаруға мүмкіндік береді.

«Біз өзара тиімді инвестициялық келісімді жүзеге асыруға қолдау көрсеткеніңіз үшін алғыс айтамыз. Бұл бастама Mars үшін Орталық Азия мен көршілес аймақтарда өндіріс пен сату нарығын кеңейтуге арналған тамаша платформа болады», – деді Пол Вайраух.

Фото: Әлеуметтік желіден