«Адам өлімі бар»: Жамбылда автобус пен жеңіл көлік соқтығысты
Фото: Видеодан алынған кадр
Полицияның мәліметінше, Van Hool маркалы жолаушылар автобусының жүргізушісі рөлге ие бола алмай қалған. Соның салдарынан автобус Volkswagen Golf көлігімен соқтығысқаны белгілі болды. Бұл туралы QazaqToday.info ақпараттық порталы хабарлайды.
Оқыс жол-көлік оқиғасы Жамбыл облысындағы Аса – Ақкөл автожолында тіркеліп отыр.
Қатты соққыдан жеңіл автокөліктің жолаушысы оқиға орнында көз жұмған. Ал жүргізуші түрлі жарақатпен медициналық мекемеге жеткізілді.
Әзірге басқа жарақаттанғандар туралы мәлімет жоқ.
Полиция жүргізушілерді жолда абай болып, жол ережесіне қатаң бағынуды ескертеді.
