Тоқаев Үкіметті жинады: Экономикалық дамудың жаңа міндеттері белгіленеді

Президент Қасым-Жомарт Тоқаевтың төрағалығымен Үкіметтің кеңейтілген отырысы басталды. Жиында елдің әлеуметтік-экономикалық дамуының өзекті мәселелері талқыланып, алдағы кезеңге арналған нақты тапсырмалар беріледі, деп хабарлайды Qazaqtoday ақпарат агенттігі.

Ақордада өтіп жатқан отырысқа Үкімет мүшелері, орталық мемлекеттік органдардың, ұлттық компаниялардың басшылары және барлық облыс пен республикалық маңызы бар қалалардың әкімдері қатысуда.

Күн тәртібіне сәйкес, жиында 2025 жылғы әлеуметтік-экономикалық дамудың қорытындылары мен негізгі бағыттары қаралады. Мемлекет басшысы экономиканы әртараптандыру, инфляцияны ауыздықтау, инвестиция тарту және халықтың әл-ауқатын арттыру сияқты маңызды мәселелерге тоқталады деп күтілуде.

Бұл жиын – жылдың маңызды қорытындыларын шығарып, Үкімет пен жергілікті атқарушы органдардың жұмысына баға беретін негізгі алаңдардың бірі. Отырыс қорытындысы бойынша Президент бірқатар нақты тапсырма жүктейді.

Фото: Әлеуметтік желіден